在巴巴多斯度假的Justin，享受當地陽光與海灘之餘亦大玩水上活動，不僅玩滑水，更膽粗粗玩跳崖！早前他自言情迷「妙麗」愛瑪沃森：「佢成名後仍專注學業，我好想請佢欣賞我個騷同請佢食飯！」其3D演唱會電影導演朱浩偉指該片會成為經典：「呢套戲係畀Justin支持者睇，同時畀啲唔清楚佢背景嘅人睇，我哋會從佢身世開始講起。呢個故事幾正，再加上3D拍攝，喺我哋呢個世代係幾型嘅一件事。」

代言產品銷量升

此外，Justin Bieber早前收300萬美元（約2,300萬港元）成為Proactiv暗瘡膏代言人，為期兩年。與品牌之前的代言人Katy Perry及Jessica Simpson的酬金相若。但是品牌發言人指Justin當代言人後，網上訂購暗瘡膏的人數急升！而廣告一推出，於Proactiv官方網站已有50萬人次觀看，而網站YouTube則錄得12萬5千人次觀看。Justin亦有意於電影業發展，以明年6月至12月舉行140場演唱會來交換演出機會。