昨日劇集《公主嫁到》一眾演員着古裝宣傳，其中阿佘與陳豪、鍾嘉欣與黃浩然、陳法拉及馬國明等三對新人即場行禮，出盡交杯、扭耳仔、打藤等招式造勢。早前有指女模到鄭嘉穎家中過夜，阿佘開心地說：「咁開心？呢啲情形幻想空間好大，其實男同女可以有純友誼接觸，不過佢哋箇中關係就唔清楚！（你幻想到咩？）我幻想到新劇開播有四十點收視！（打畀佢八吓？）都好！」

黃浩然（左起）、鍾嘉欣、陳豪、佘詩曼、陳法拉及馬國明穿上古裝行禮。

黃浩然孭起鍾嘉欣，面有難色。

拍劇時阿佘傳與陳豪撻着，日前陳豪為討好女友廖碧兒公開與她劃清界線，但阿佘不怒反笑：「我一早咁講，我贊同佢嘅講法，希望有日沉冤得雪！（嬲陳豪咁絕？）以我認識嘅陳豪好顧人感受，唔覺佢絕！（怕宣傳翻炒緋聞？）工作忙碌，冇時間同精神理。」

法拉人氣旺恨攞獎

此外，有指到嘉穎家中過夜的女模由陳豪介紹，對此陳豪莫名其妙：「我都唔知咩事，後來先知同呢個女仔拍過廣告，拍完之後都冇聯絡！我冇介紹過女模畀嘉穎！」而陳法拉除了參演《公主嫁到》外，亦是接着播映的重頭劇《巾幗梟雄之義海豪情》的主角，法拉笑言希望人氣可以一直「谷」到台慶，問到有否恨奪女主角獎？她說：「睇吓谷唔谷到！」她又表示早前到澳門媽閣廟拍攝一場求籤戲時，竟連續三次求得同一支籤，她說：「雖然唔信呢啲，但同事話應該睇吓支籤講咩，結果佢話我下半年好好，尤其係事業，我都希望下半年有收成！（還神？）等年尾真係有好成績就去！」