校長譚詠麟昨晚在跑馬地擺壽宴，迎接明日60歲大壽，到賀嘉賓包括關楚耀、曾志偉、苗僑偉、許冠文及陳秋霞等，許冠文打趣說：「今日嚟賀阿倫『45歲』生日，我同朋友夾份送紅酒櫃。今晚會飲酒，阿倫應該畀人打橫抬出嚟。」阿倫生日慶祝浪接浪，前日他在微博上載媽咪陪他食壽包的相片，十分溫馨，昨日亦上載歌迷會三十周年的相片。
關楚耀昨晚約11時許離開，問到送甚麼禮物？他說：「禮物事小，心意事大。」當王晶離去時興奮地說：「好High！大家喺入面唱歌，阿倫擺咗十幾圍，好感人、好精彩。」工作人員亦向記者派壽包。
直到凌晨時分，玩得盡興的阿倫拖着媽咪，半帶醉意步出。他教媽咪擺出「OK」手勢扮模，還大啖錫媽咪面珠晒溫馨，他說：「媽咪係至高無上，我永遠最錫係媽咪！（生日願望？）我希望每個人都好似我咁，開開心心、有好多好朋友、替別人着想同年年25歲！」他透露這是他今年第九場盛大生日會：「由演唱會開Party到依家，食咗咁多餐仲Keep到Fit，真犀利！（收咩最開心？）唔講得，總之真係好開心！我明（今）朝早坐私人飛機離開，唔使等我啦！」