早前楊千嬅為無綫到東京拍攝《我在東京很快樂》特輯，由於拍攝時間緊迫，千嬅平均每日只睡3個鐘，因為太累腳軟，有晚千嬅登車時看不清，一不小心撞上車邊的小鐵枝，腳背被撞爆流血，千嬅即用消毒藥水沖洗，隨即貼上膠布繼續拍攝，專業精神獲工作人員讚賞。
在富士山中湖拍攝，剛好遇上大暑之日，氣溫高達42℃，千嬅從當地司機口中得悉有數人熱死，也嚇了一跳，本來大隊安排拍攝浸溫泉，但因天氣酷熱，經多番商量後決定取消，擔心千嬅會熱暈，改為安排她到一小咖啡店中浸溫泉洗腳休息，千嬅笑說： 「真係熱到暈，我都覺得自己就快熟，莫講話浸溫泉，浸埋我會變溫泉蛋喇！」
此行千嬅到了多個地方，開心有機會到心愛的小王子花園遊覽，最教她興奮竟然在日本遇上Fans，她笑說：「我都唔信有日本Fans，仲叫翻譯同佢講，我唔係日本人，怕佢誤會咗，點知個日本歌迷用半鹹淡廣東話指住我話：『你係香港嘅楊……千嬅。我聽你嘅歌！同我握手？』嚇我一跳，真係開心到爆。」