無線昨日假奧海城舉行港男預選賽，要求十位參賽者比併跳繩、舉啞鈴及掌上壓等，即場票選「現場最具魅力香港先生」。而21日賽事舉行當晚，無線破天荒引入3D元素，讓觀眾欣賞港男的「立體魅力」。

不少港男練得一身肌肉，但(5)白健恩參與跳繩環節時，跳到台板巨響險下陷，被嘲似打樁！而(6)鄭文康更屢被繩子卡住，當司儀蔡康年問他平日最叻跳甚麼？他竟說：「最叻跳樓囉！」(3)黃田麒被邀擺型男甫士時，突然「葉問上身」大耍詠春，而白健恩舉手時被發現腋下濕透，鄭文康則以凌空飛吻「突圍而出」，令全場嘩然！

(10)翟威廉雖然體力競賽表現一般，但仍再下一城，勇奪「現場最具魅力香港先生」，他說：「可能我帶咗啲朋友嚟撐場啫！今日個個表現都好好，我盡咗力，但仍差太遠，好似喧賓奪主咁，或者今晚請大家食飯補數。（港男被投訴？）每人立場唔同，都係玩吓啫！（唔介意被女評判摸？）唔介意，唔會太色情。」

何傲兒奉旨(目及)仔

21歲生日的(6)鄭文康獲眾人為他慶祝，談到生日願望，他表示希望屆時十位參賽者都順利演出每個環節。志願當消防員的鄭文康，尚有兩年才大學畢業，即使當選亦未必一定停學留港。

另外，何傲兒到場「(目及)仔」，她坦言十分欣賞(4)葉建希的身形：「肌肉男只可遠觀，如果揀男友，都係斯文、書卷氣息重啲好。」