廖碧兒、鄭嘉穎及曹永廉昨日為新劇《居家兵團》拍攝跳樓戲，適逢嘉穎41歲生日，眾人趁埋位前與壽星仔切蛋糕慶祝，及後又有影迷送上蛋糕，令嘉穎高興不已。對於生日竟要拍攝跳樓戲，嘉穎笑言只是巧合，更指監製事前未有給他利是，曹永廉更祝福壽星仔「年年有今日」，認真抵死！
談到生日願望，嘉穎希望少一點是非及多賺一點錢：「早兩日已經同朋友開派對慶祝，所以今晚就同屋企人食飯，阿姐封咗利是畀我，叫我5年內唔好拍拖。（緋聞女友佘詩曼有咩表示？）佢傳咗個短訊畀我，咁我都好有禮貌覆番人嘅！」而碧兒則表示未有吻賀嘉穎：「黐線！佢係我前輩，呢啲嘢都唔係我做o架啦！」
至於站在天台邊企跳的曹永廉驚到腳仔軟，他坦言自從成家立室兼有小孩後，心態已大不如前，更說：「驚有意外見唔到屋企人嘛！」