杜麗莎早前任《超級巨聲2》評判時反駁陳潔靈意見而惹非議，二人更被揭結怨十年，昨日杜麗莎「回歸」再做評判，與陳潔靈表現老友，還送上花束預祝陳潔靈明天生日，不過杜麗莎卻笑說：「我送花唔等於陣間唔咩o架！唔知會發生咩事，唔好怪我。」陳潔靈亦配合這位認識十多年的「老友」：「我同你一個攞叉一個攞匙羹，我用叉啦！可以叉你！」
杜麗莎強調大家各有專業意見，自己說話只是較倔冇惡意，而陳潔靈則較溫柔。結果錄影時杜麗莎未有跟陳潔靈「火併」，但反而衝着司儀田蕊妮，當她聽到田蕊妮說她不在港仍留意參賽者表現時，又再嚟料說：「唔知邊個話你知我有留意，我係冇嘅！因為唔喺香港。」阿田即尷尬地解釋只是照稿讀。
對於被杜麗莎寸，阿田亦表示有點意外，但明白對方是坦白之人。問到杜麗莎與陳潔靈在節目中有沒有火藥味，阿田說：「冇呀！好和諧，只得自己嘅火羅味。」