王仁曼芭蕾舞學校《明日之星2010－夢想成真》大匯演昨晚舉行，適逢學校成立五十周年，故吸引不少名人捧場，包括陳奕迅（Eason）與太太徐濠縈、朱玲玲、何超儀、關詠荷及廖碧兒等。陳奕迅可謂廿四孝老竇，因他特別從廣州返港欣賞女兒康堤的芭蕾舞表演，他說：「我本來喺廣州，坐咗一個鐘零九個字車返嚟，家下頸梗膊痛！」雖然讚女兒有表演天分，但他表示未曾看過她跳舞：「佢成日收收埋埋。」

廖碧兒自爆年少時曾參加大匯演，大開眼界。	何超儀（右）身穿白色連身裙到場，但拒透露賭王健康狀況。	朱玲玲（右）撐王仁曼場，席上否認兒子霍啟剛與郭晶晶分手。

太太徐濠縈讚女兒有演藝天分，聲線更似足爸爸，Eason即時抽水：「咁咪間接讚咗我！多謝晒！」不過，他坦言不想太高調栽培女兒，希望給她多點私人空間，有時覺得自己高調得似「病菌」，怕對女兒造成影響：「佢啲同學知道佢爹哋跳跳紮，搞到我想送佢返學都唔得，怕搞到人哋同學校就唔好！小朋友唔想高調，我高調冇所謂，如果我低調就慘！」

朱玲玲親證剛晶未分手

朱玲玲昨晚甫到場即被大批傳媒包圍，問到是否知道兒子霍啟剛傳與郭晶晶情變？她說：「唔係！」當問到啟剛是否搭上女主播趙彤？她未有回應便匆匆入場。此外，何超儀到場時被問到其父何鴻燊健康狀況？她即寸嘴說：「我已經唔答呢啲嘢好耐，你仲有乜嘢問？多謝關心！」