安仔上月底公開表示與拍拖兩年的女友余德琳（Michelle）分手後，即傳出與舊愛鄭秀文復合，很多不利安仔傳聞，令他背上負心漢之名！昨日前助手細佬（潘恆章）沉不住氣，站出來為前老闆兼前男友辯護，她直言為對方近日承受種種壓力而心痛：「只有我最清楚佢為人，佢係個好好嘅人，好為身邊嘅人着想！佢只係唔識表達，希望大家唔好畀壓力安仔！」

曾跟安仔共事20個年頭的細佬，04年與圈外男友分手，翌年與安仔拍拖兩年。昨日她接受本報電話訪問時表示，有感連日來的報道對安仔不公平：「安仔承認同Michelle分手後，我哋有用SMS聯絡，我叫佢有需要就打畀我，佢知道我喺雜誌幫佢講說話，都有打嚟多謝我！」她坦承二人於05年情定泰國，兩年後因Michelle介入而分手：「感情嘅嘢冇得好講，只不過佢係圈中人先有咁多傳聞啫！畀啲空間佢哋三個啦！（嬲Michelle？）唔會，做人要寬恕人！我希望安仔開心！（重提安仔會心痛？）已經放低咗，仲嬲就唔會講嘢！（復合？）冇諗過，總之依家係朋友！佢同邊個一齊都好，最緊要佢開心！」

Sammi做瑜伽冷靜

細佬坦承當年與安仔分手後曾有自殺念頭，幸很快打消這個想法，問到可覺得安仔當年不公開關係而感到不公平？她說：「我依家生活開心，總之佢係個好人！」有傳二人當年分手時，飽受情傷的細佬辭職，並收安仔7位數「掟煲費」？她承認有「好大筆錢」：「我幫佢咁多年，做咁多嘢，嗰啲錢就好似公司啲公積金咁，唔好咁講（掟煲費）！」另外，據知安仔與Michelle拍拖期間，曾向對方父母承諾會旅行結婚。

對於有傳安仔翻撻Sammi，細佬說：「呢啲係佢哋兩個人嘅事！我同Sammi嘅關係向來OK！」至於身在佛山準備個唱的Sammi，昨日在微博上載多張做瑜伽的照片，笑指這些「怪異」動作能令她集中，難道她仍為緋聞而心煩？對於「細佬」為撐安仔而自爆戀情，梁漢文說：「我、蘇永康同張衞健有咗共識，唔會再為安仔戀事作回應，因為愈講寫得愈多！」

細佬Profile

姓名：潘恆章年齡：35歲

職業：92年至07年全職許志安私人助理，去年起兼職港星海外演出助理。