事隔4年，張敬軒即將推出全新唱作大碟《Why Not》，一手包辦作曲、監製、編曲及混音：「我一直好想出唱作碟，角逐唱作人獎項，做番老本行！」熱愛唱歌的軒仔原來愛創作，並直言唱作才是其音樂理想。但其創作熱誠曾一度冷卻，直至早前完成音樂劇後，才找回對音樂的堅持。他自爆因為跟公司鬥氣，故自《笑忘書》後沒有再寫歌：「因為寫歌要等，但係公司唔等得！《酷愛》嘅成功，令啲人覺得張敬軒唔一定要唱自己嘅歌，咁我咪算囉！」

網上宣傳撼無綫

軒仔承認過去4年的工作態度有點「Hea」，但明年將踏入三十歲，令他驚覺不能再任性，故新碟會將其唱作過程輯錄成DVD，作為送給自己的三十歲生日禮物。雖然唱片公司跟無綫的版稅問題仍未解決，但他已擬訂新的宣傳方法：「我有微博同Blog，新碟會集中網上宣傳，9月仲會舉行音樂會演繹新歌，雖然少咗無綫呢個平台，但反而慳番2、30%成本，仲可以將啲錢攞嚟拍菲林MV！」