周慧敏（Vivian）與君如在許鞍華執導新片《得閒炒飯》中飾演同性戀人，Vivian坦言很喜歡劇本：「我好期待場接吻戲，知道君如落實拍，我就一口應承接拍！記得有場浸浴戲，君如用0.99秒浸落水，不過我都睇到佢個Body Shape，好正！」君如則推介二人的接吻戲：「我哋錫到唇膏都甩晒，好似貴利收數咁（脷疊脷）！有場戲佢着住豹紋吊帶內衣，我見到都噴血！」

Vivian（左）與君如談笑風生，分享合作趣事。

Vivian闊別大銀幕多年，演出令人期待。

提到隨時成為女同志偶像榜首，君如笑言不需靠電影，問到有否被女性追求？她說：「以前讀女校，開始識戀愛都唔識投射去邊，同學會好好傾！有啲人唔理你點諗，都會照追o架！」Vivian則表示當年搞歌迷聚會，發現只得兩名男歌迷：「試過拍MV個男主角講，佢女友知道係周慧敏先畀佢拍！」

送小禮物調情

兩人拍戲，難得沒有傳出是非，Vivian大讚君如對她很好，拍攝期間不時送上小禮物，令她感覺很真實，更易投入拍攝時的互愛氣氛。君如亦大讚Vivian專一：「我哋拍廿六組戲，Vivian就食足廿六次椒鹽排骨飯！拍接吻戲前，佢係食『箭嘴牌』香口膠，真係好長情！」