林心如早前為星級化妝師Rick Chin的網站拍攝宣傳照，原來心如早在十多歲時已認識Rick，今次Rick為形象斯文的心如打造全新造型，將「乖乖女」變成誘惑美眉，釋放女人味！Rick說：「心如一直畀人嘅感覺都係乖乖女，屬於小家碧玉型，所以我想佢試下一啲新嘅形象，再加上心如主演嗰齣《美人心計》喺台灣、內地都反應非常之好，好受歡迎，我戥佢開心之餘，仲用咗呢個名『美人心計』嚟做今次拍攝嘅主題。」

林心如愈變愈漂亮，難怪惹來整容傳聞。	放大圖片	放大圖片

大讚有愛心

Rick認識心如十多年，盛讚她愛心爆棚，早前他舉行產品慈善籌款活動，心如二話不說幫手。近日心如屢被傳整容，問Rick可有覺得她與小時候的模樣有很大的差別？Rick說：「真係唔覺，如果心如真係有整容，幫佢整容嘅醫生都唔好去幫襯，因為我覺得最近心如可能太多工作所以比較攰，下巴位仲有啲下垂添！我建議過佢去打一啲美容針。」而Rick最近工作亦極之忙碌，因他投資逾千萬元，籌備即將推出自家護膚品牌「Expertise」。