應屆港姐陳庭欣、張秀文及莊思明昨日於海港城出席義賣活動，莊思明於決賽夜的髮型被指似花師奶兼似周國豐，她坦言不開心，其姊莊思敏攬着她時更不禁喊了出來！對於莊父想思明的孖生姊姊Mona明年參選，但莊思敏指Mona的EQ不及她，莊思明說：「佢係比我更加真！Daddy係有同佢講，不過佢話睇吓點先！佢見我冇做錯嘢都畀人講，多謝佢咁錫我！」至於鍾欣桐日前於微博留言撐思明要相信自己，相信有日大家會明白美的定義。

周國豐夫婦笑對網民批評，還幽自己一默！	出爐港姐張秀文（左起）、陳庭欣及莊思明出席活動。	莊思敏力撐妹妹思明樣子端正，可見姊妹情深。

周太炮製花師奶頭

另外，莊思敏昨晚與周國豐前後腳出席同一活動，她力撐妹妹漂亮之餘，更坦言妹妹因而哭過：「有晚佢係喊過，我叫佢聽完就算，唔好唔開心！（你覺得佢同周國豐似唔似？）可能只係面形啫！都係長啲，當然唔似啦！上鏡同真人都好大分別！（佢似佘詩曼多啲？）都係呀！以前都有人講過！」而周國豐則說：「以前都見過佢（莊思明），從來唔覺得似，係個髮型靠害，佢好無辜！（碰面會避開？）我唔會尷尬！不過我估唔到畀人話似女人！」周太竟搭嘴笑說：「嚟緊Halloween要幫佢整嗰個（花師奶）髮型扮吓先！」周國豐坦言被同事取笑：「佢哋叫我『季軍』！」

另外，港姐「時尚目光獎」得主湯寶珍於另一活動上表示，已將獎金捐到慈善機構，本身是空姐的她被問到會否加入娛樂圈？她自覺適合這行，但要與無綫再斟酌。此外，港姐日前獲頒發逾50萬元的獎金及交通服裝津貼。