許志安高調宣布與圈外女友余德琳（Michelle）分手後，隨即傳出他為「翻撻」舊愛Sammi而與女友分手，飽受千夫所指的他，曾跟好友盡訴情傷哀痛。雖然「翻撻」傳聞甚囂塵上，但前日Sammi發表千言書四度否認復合，令安仔「翻撻」無望！飽受壓力的安仔，昨晨與蘇永康及梁漢文飛往馬來西亞，準備明晚舉行的《BIG FOUR巡迴演唱會》，穿綠衫紅褲的安仔刻意戴上草帽及黑超遮掩憔爆臉容，更頭耷耷鬼祟入閘避傳媒。而王菲與化妝師Zing亦於稍後離港。

張衞健上載照片至微博，並暗示因友人為情所困而獨自上路。

王菲與化妝師Zing恰巧現身機場。

自困家中避風頭

至於Sammi足不出戶，好友透露曾跟Sammi通電話：「佢完全冇嘢！根本安仔分手事同佢無關！佢覺得好煩先公開發聲明講清楚！」又表示不看好「Mi安」復合。對Sammi「自困」家中，其經理人郭啟華說：「Sammi出嚟買包薯片都會畀人話係勝利者，唔笑又話佢愁爆，所以佢寧願唔出嚟！（安仔同Sammi就快生日？）安仔依家咁嘅心情，都唔會有心情搞慶祝，Sammi即將要到佛山、廣州舉行個唱，佢生日應該要工作。（兩個一齊慶祝？）依家咁樣仲一齊慶祝實畀人寫，咪自投羅網！」

蘇永康與梁漢文笑面迎人，但拒回應Mi安復合。

蘇永康

Michelle搬近舊愛巢

此外，傳被安仔鬧走的Michelle，已搬離與安仔同居的豪宅，但其新居竟與安仔寓所相距僅數分鐘路程，莫非是為復合留伏線？而同樣「自困」家中的Michelle，私底下與梁漢文太太Karen及蘇永康女友Anita啱傾，故以往經常與她們傾訴感情問題。