06/08/2010

李嘉欣暗踩師妹揀唔落手

昨日李嘉欣現身尖沙咀為食肆任剪綵嘉賓，微露事業線的她，被問到現身舊愛旗下的商場會否勾起不少回憶，她說：「就算有，都係傳媒嘅回憶深過我！（刻意淡忘？）係冇特別記住！」她透露老公許晉亨在外地公幹，故不知亦不會阻止她出席：「佢唔會呷醋！遲啲我會同佢、老爺奶奶嚟食飯！（商場十月開幕再嚟？）有人請先再諗！」

對於出爐港姐冠軍陳庭欣被批評，她明撐暗踩：「我以前都做過評判，有啲佳麗開聲三句，我就選唔落手！有時個機制的確好難選到智慧與美貌並重！（網友讚你再選都贏十次？）咁識氹人嘅！我唔會同師姐妹比。」