亞視昨日舉行啟動《2010亞洲小姐競選》記者會，亞姐許瑩、王希瑤、許嘉慧、呂晶晶及姚佳雯等盛裝出席。亞視宣布今年再次採用國際賽制，除了內地、台灣、香港及澳門外，更會廣邀日本、韓國、印度、越南、新加坡及澳洲等十個國家的靚女參加，電視製作行政及公關副總裁葉家寶透露，總決賽定於11月底舉行，與無綫台慶打對台：「希望大家都咁熱鬧！（擴大賽制好啲？）咁多年我哋都冇乜『豬扒』！選得出嚟都有咁上下質素！」

呂晶晶讚陳庭欣笑得靚

卸任在即的09亞姐冠軍許瑩，對於出爐港姐陳庭欣的質素備受批評，她說：「呢種比賽唔係淨係樣貌，可能人哋多才多藝呢？（咁你覺得靚唔靚？）一切盡在不言中！你哋點睇我咪點睇囉！」至於呂晶晶則寸爆說：「我見佢笑起上嚟幾靚呀！（佢畀人話大牙肉喎？）我冇留意！」問到亞姐是否比港姐靚，她們即大笑：「哈哈哈！我哋幾靚o架！」另外，呂晶晶有份參演的《法網群英》收視報捷，她坦言若收視逾8點則不介意穿比堅尼泳裝示人。