江若琳、Square、羅仲謙及HotCha昨晚出席活動，江若琳大方承認有不少追求者：「圈中同圈外都有。（唔發展？）因為成日周圍飛，覺得好難維繫，所以唔敢開始。」她表示最理想是30歲結婚：「依家工作緊要，過多10年後先諗結婚同生仔。（嫁個有錢人？）男人靠唔住，我好女權主義。」
至於日前被拍得與傅穎出海暢泳的羅仲謙，強調無意追求對方，並透露現時單身：「冇戀情、冇追求佢！（海中攬住喎？）佢唔識游水啫！」他更大讚傅穎近日的造型性感：「都幾突破。（出海當日佢着三點式？）冇呀！（失望？）冇期望唔會有失望。」
