周秀娜昨晚出席《周秀娜 x Monster Beez DJ Remix》活動，與師妹Hailey C.及Annie G.組成的二人組合Monster Beez打碟娛賓，未知是否怕夜店人多危險，三人作Rock女打扮，又收起「事業線」。雖然現場睇表演的賓客不多，但娜姐表示有得打碟大感開心，打碟前更要飲番兩杯，問到是否想飲到High High哋，她說：「唔係，只係想Relax少少！」

Annie G.（左起）、周秀娜和Hailey C.出席夜店活動。

放大圖片

娜姐坦言酒量麻麻，更曾被男人灌醉，她說：「當時我已成年，記得係十八、九歲，去朋友生日會時，有啲唔識嘅男仔走嚟敬酒，敬咗好多次，我終於頂唔順，仲要搵壽星女頂酒！」她慨嘆：「酒唔係用口嚟劈，係用口嚟飲！」經此一役後，娜姐透露不會隨便與男人飲酒：「唔熟嘅就唔飲，熟嘅先飲，咁工作應酬嘅都OK！」她表示近日不敢飲酒，因要拍電影又要做運動，但她剛說畢要飲酒後才打碟，前後矛盾！

自爆會考得6分

此外，對於梁詠琪指o靚模不應不讀書，娜姐自爆當年會考取得6分，但中英數都合格，亦非因為成績差才入行。而Annie G.被問到會考分數，她說：「唔講得唔得！」其後她大方承認只得5分，但強調中英數均合格。