對於四台聯頒名存實亡，不少歌手都覺可惜，謝安琪（Kay）經理人Sammy回應說：「呢個係音樂圈大家好尊重嘅指標，少咗唱片公司參與導致咁樣，幾無奈又可惜。」而無綫總選都可能取消？他說：「冇上無綫節目，冇合作，已經冇乜影響。（佢哋冇得傾，意味長時間冇得係無綫宣傳，係咪好大損失？）始終少咗宣傳渠道係可惜，但我哋好支持HKRIA爭取合理利益，喺第一日已預咗咁樣，所以唔覺得痛苦。」
至於張敬軒則說：「若然真係取消四台聯頒，都覺得可惜嘅，始終歌手喺四個台成績理想，先會頒個獎畀你。」至於「四大」與無綫因版稅風波決裂，軒仔說：「作為歌手梗係無奈，但有啲嘢數還數、路還路，錢銀嘢要搞清楚。」
