無綫除了跟「四大」關係決裂外，更是腹背受敵，CASH就版稅問題與無綫僵持，據知CASH雖然只要求加版稅百分之十至二十，金額為數百萬港元，但無綫最高領導人「六嬸」方逸華卻認為加價不合理，反而要求CASH減版稅，令雙方至今仍未達成協議，知情人士對於雙方談判未許樂觀。

取消四台聯頒

擁有香港及海外不少作曲及作詞人的CASH會員，一旦與無綫關係破裂，無綫旗艦音樂節目《勁歌金曲》，甚至《十大勁歌頒獎典禮》（簡稱：《勁歌總選》）也隨時「摺埋」，變相令去年的「亞太區最受歡迎香港女歌星」容祖兒、「最受歡迎男、女歌星」古巨基、楊千嬅、「亞太區最受歡迎香港男歌星」兼「親生仔」林峯等非「四大」歌手也被牽連。無綫近年積極製作《超級巨聲》音樂節目，加上親自炮製MV，銳意培育自家歌手，圖改變現今困局。

據知，若然無綫跟「四大」及CASH問題仍未解決，9月舉行的《勁歌優秀選》隨時成為首個被迫「叮走」節目，對年底總選舉行影響極大。而《四台聯頒音樂大獎》自版稅風波後，因公平關係，亦已正式取消。對此，身在內地的林峯說：「唔知呢個情況，我冇意見，一切聽從公司安排。」

對於有指無綫與CASH的版稅觸礁，CASH行政總裁楊子衡（Elton）表示仍在協商中，至於是否拉鋸了一段時間？他說：「呢個係商業上嘅問題，係涉及世界各地作曲、作詞人等170萬人嘅利益，唔只係香港。（今年內要有結果？）都係，無綫都要尊重作曲作詞人，而我哋十幾年合作關係都好好。」有傳傾唔成？Elton說：「成唔成唔方便講！（有保留餘地?）總之一路進行，冇嘢要保留。」

CASH：對佢哋影響好大

由於每首歌曲的作曲、作詞都要付版稅，若無綫不給予CASH版稅，大部分的歌曲無綫都不能使用，比起四大唱片問題影響更大？Elton說：「可以咁講，對佢哋影響好大，但唔可以單一去睇，因仲涉及好多技術上嘅問題。」是否無綫要付很龐大的版稅費用？Elton說：「唔可以話好高，係合情合埋，因為佢哋用每段音樂都係公開播放。」問到九月舉行的CASH流行曲創作大賽可受影響？Elton表示因今年有另外一個Project進行，所以會延遲舉行。

與HKRIA正式決裂

另一邊廂，無綫與「四大唱片公司」環球唱片、SonyBMG、EMI和華納組成的香港音像聯盟（HKRIA）因版稅問題陷入冰封狀態，縱使雙方曾派「親善大使」居中斡旋，但最終未能達成共識，關係正式決裂，只能傾談去年的尾數問題，自此再冇轇轕。昨日「四大」主席鄭文超則說：「真係冇進展，因為已經上咗法律程序，要由審裁署去判。」他又表示，無綫現於大型節目及劇集採用的背景音樂，很多來自「四大」版權，可是無綫一直不知情，他對此感到十分奇怪，問是否認為無綫踩了界也不知？他說：「我唔夠膽咁講，不過條數唔知點計好，已經搵律師跟進！」

至於無綫執行董事及集團總經理李寶安說：「HKRIA同無綫嘅版稅問題，目前送咗去版權審裁署，亦Settle咗同佢09年條數，但唔排除有其他途徑解決。（年底《CASH流行曲創作大賽》會唔會繼續做？）會照做，我哋之間一直都冇問題。（《勁歌》總選呢？）冇打算唔做！」