前日《MTV音樂錄影帶頒獎禮》公布提名名單，Lady GaGa橫掃13個提名創紀錄，包括最佳年度音樂錄影帶、最佳流行音樂錄影帶與最佳錄影帶女歌手等，她受訪時說：「我好榮幸可以代表宇宙中所有小怪物同自稱嘅怪人，成為MTV史上攞最多提名嘅歌手，諷刺地，不幸數字13令我感到更榮幸！好耐以前，世界話我同小怪物聽，我嘅聲音唔會被聽到，結果我哋一齊改變規則。上帝將我降生世上有3個目的：製作嘈吵嘅音樂、拍斷背錄影帶同引嚟大家聲嘶力竭嘅喝采！」
至於Eminem則以8個提名緊隨其後，其餘入圍者包括Katy Perry、Ke$ha、Alicia Keys與Jay-Z等，而Justin Bieber則提名最佳新人。
另外，GaGa入圍雜誌《Vanity Fair》的「年度最佳衣着人士」原創組別，入圍的還有海倫娜寶咸卡特、戴安古格、嘉莉慕萊根、哈維亞巴頓與積 佳蘭賀等。至於球星碧咸打入名人堂，美國第一夫人米歇爾連續第4年入圍，法國第一夫人布魯尼則連續第3年入圍。