飲食篇
問：有咩古怪飲食習慣？
答：冇乜，鍾意食榴槤算唔算？哈哈！
問：有冇偏食習慣？有咩一定唔食？
答：咩都食，但一定唔食葱！
解說
李蘊：「以前怕食榴槤，但個個都話好食先至去試，之後一食就愛上，但都要睇環境，因為好多人怕聞榴槤味，唔想影響人。有朋友講笑話叫我食完榴槤後去飲可樂，但我唔會咁缺德！哈哈！基本上我咩都食，但就食極都係瘦。」
番外篇
問：如果喺𨋢度唔小心放咗個屁，個個都懷疑係你，你會有咩反應？
答：哈哈，我會忍唔到笑！
問：有冇諗過剪Skin Head？
答：冇，唔敢。
解說
李蘊：「如果我真係唔小心喺(車立)放屁，一定忍唔住大笑，而且會認係自己，唔會咁衰唔認反話人哋。另外，我始終鍾意長頭髮，剪到Skin Head咁激，我驚會喊。」
個人習慣篇
問：鍾意着T-back、高腰定低腰內褲？
答：低腰。
問：咁鍾意着淨色、卡通圖案、喱士、豹紋定係花花內褲？
答：一定係花花，全部都係。
解說
李蘊：「未試過着T-back，都唔會買嚟着，因為感覺好成熟，我仲咁細點可以着？同埋T-back畀我感覺好似好唔舒服。而我所有內褲都係花花，卡通圖案反而太小朋友，花花Pattern就Cute啲。」
喜好及感情篇
問：忍唔忍受到男友成日(目及)女？
答：一定忍受唔到。
問：最憎男人有啲咩壞習慣？
答：挖鼻、箝鬚根、講鹹濕嘢都好討厭。
解說
李蘊：「如果男友成日(目及)女，咁樣對我好唔尊重，而且好花心，我會扮嬲先，唔會即刻好激動去鬧佢，畀個機會佢去改過。我見過啲男人公然挖鼻，或者用一蚊銀去箝鬚根，真係好肉酸，最討厭係男仔講鹹濕嘢，好唔尊重女性。」
生活習慣篇
問：一日最多沖幾次涼？
答：最多兩次。
問：瞓醒係咪一定要洗頭，瞓前係咪又要洗？
答：瞓前洗。
解說
李蘊：「唔鍾意一日沖太多次涼，因為好嘥水，同埋沖得多皮膚會好乾，夏天出汗多嘅話，先至沖兩次。但無論係咪出過街或者全日喺屋企都好，瞓前都一定會洗頭，因為想瞓得舒服啲，唔洗頭一陣味好唔舒服。」