本文重點
樂壇教父戴思聰上月因急性冠心病與世長辭，昨午在歌連臣角火葬場進行火化，不少生前愛徒送別。誼子陳曉東神情悲痛，致悼詞時連番在靈堂叩頭跪拜，以表孝心！
戴思聰昨日舉殯，親友包括女兒戴蘊慧（真真）、戴辛尉（葳葳）、誼子陳曉東（東東）與陳母等，於早上8時許已陸續到達靈堂，真真交代靈堂採訪安排時，被問到會否希望與老師恩怨未解的愛徒鄭嘉穎到來送別，她說：「唔想傳媒碰撞，造成混亂。（有傳嘉穎做20萬帛金？）我唔講喇！」而現場除保安外，亦有4名警察維持秩序。
早上約11時進行大殮儀式，劉詩昆、洪欣、呂方及湯鎮業等先後到達，而嘉穎送上的花圈則放在靈堂左邊，祝願對方一路好走。誼子東東致悼詞時，兩度於靈柩前叩頭及跪拜：「我哋永遠懷念呢位樂壇教父，我尊敬嘅戴老師、我嘅恩師、我嘅老竇。」由劉詩昆、東東、呂方、張明敏、湯鎮業、梁焯豪、郭添勝及謝東閔等扶靈，並由真真大仔謝廣亨（Bryan）手持公公遺照。
低調唔搞追思會
真真完成所有儀式後接受訪問，她表示戴老師骨灰將安放於「善緣」，至於會否舉行紀念活動，她說：「唔會搞追思會喇！老師鍾意低調，個葬禮好風光，可以畀老師好安靜咁上路，佢會收到大家嘅心意。」問到有份扶靈的呂方及湯鎮業與老師最深刻的片段，呂方透露是為對方煮西餐：「最後一次煮畀佢已經係一、兩個月前。」湯鎮業則說：「最難忘係同老師打牌。（特登輸？）冇，落場無父子。」
