昨日有消息指李彩華（Rain）與金融才俊男友王傲山（Marcus）甩拖，原因是Rain經常在內地拍劇，王傲山經常與許志安夜蒲，並結識了新女友！Rain療情傷之餘，還要搵屋搬，日前便跟好友趙雪英行街睇樓。
記者就此事致電趙雪英，她坦言早已不看好兩人的感情，尤其是今年新年期間發覺Rain與Marcus跟以前不一樣：「我之前由佢哋口中知道佢哋有計劃結婚，Marcus好錫阿Rain，但係今年新年嘅時候，我覺得佢哋同之前有啲唔同，我都有提醒阿Rain，之後阿Rain都有同我呻，仲喊過添！（咁佢哋係咪分咗手？）我覺得係。（覺唔覺得王傲山識咗新嘅女友？）都有咁嘅感覺。」
