父親是馬來西亞拿督的莊思明，生於富貴家庭，近日因在港姐決賽當晚的「花師奶」頭而遭網友狂插，又指她得獎全靠名模家姐莊思敏。莊思明前日在網誌回應：「你們每一個都好了解我性格，我從來唔會囂張，更加唔會自以為是！我個樣生得寸，但我係一個謙虛同識尊重別人嘅人，我爸爸有錢唔係罪，更加唔係大晒，我會努力做好自己，希望有一日針對我嘅人會對我改觀。」

出爐港姐張秀文（左起）、陳庭欣、莊思明與李雪瑩一起出席活動。

馬賽指網民乜都鬧一餐，着師妹不用介懷。

其回應得到不少網友支持，但她刪除之前一篇文章「多謝你們的惡意攻擊」卻又引來謾罵，網友認為她不該刪除別人對她的評價。

馬賽撐選舉公平

另外，出爐冠軍陳庭欣、亞軍張秀文、季軍莊思明與最上鏡小姐李雪瑩和師姐馬賽昨日出席《馬灣公園挪亞方舟兒童節》活動。對於有網民指今屆港姐是「豬扒港姐」， 馬賽力撐師妹好靚及賽果公平，她認為網民甚麼都鬧一餐，故着她們不用介懷。據知馬賽契媽提名張秀文參賽，兩人同樣獲獎，有指馬賽契媽向友人透露張秀文必定能入八強，張秀文對此說：「我覺得港姐係公平、公正嘅，亦證明我提名人獨具慧眼。」

袁彌明叫人做o靚模

此外，對於莊思明的花師奶頭，同屬港姐出身的袁彌明（Erica）毫不留情地說：「其實髮型出事佢都控制唔到嘅！（三甲畀人叫『豬扒』喎！）又唔好咁話啲女仔，不過真係平凡囉，喺中環搵幾個都有咁嘅質素。依家選港姐上唔到位o架喇，做o靚模仲好，除兩件衫仲快啦！好似上年港姐冠軍咁，一年都冇佢嘅報道，都唔記得係邊個！」