傅穎（Theresa）與周秀娜（Chrissie）昨晚宣傳新片《熱浪球愛戰》，二人在教練指導下打沙包打得有板有眼。Chrissie表示在片中動作連場，問其姣好身材會否成為阻礙？她說：「點會呢？師傅話我動作敏捷！（着沙排裝身材贏晒？）我估大家係想睇球技啫！（真係咁諗？）唔會刻意比較呢啲（身材）！」

暗寸Chrissie肌肉女

Theresa則表示為電影刻意苦練球技及功夫，練到「五勞七傷」：「之前畀人感覺弱啲，依家硬淨咗。（同男友練？）同師傅，冇男友。（羅仲謙？）戲入面我同另一個拍拖。（即係現實係啦！）真係冇拍拖！」她坦言羨慕Chrissie沒有特別訓練也有腹肌，但不怕比較：「我本身唔係肌肉型，冇得比，我喺戲入面會搞笑，可能要紮孖辮。」

另外，昨日周秀娜與四名師妹Mia、Suki、Hazel及Jeana到澳門出席Poker Stars Macau《澳門百萬元大賽2010》宣傳活動，其中Chrissie似「升呢」般不用作過分性感打扮，更不需與一班師妹玩濕身遊戲！