大讚好女仔

據知安仔昨晚與樂隊RubberBand舉行音樂會前，曾與女友Michelle吵大鑊，原本答應出席的Michelle憤而缺席，並協議分手。然而只見安仔心情未有受影響，興奮得又唱又跳，當他翻唱鍾舒漫的《給自己的信》及謝安琪的《囍帖街》時，有感而發地說：「雖然好多人同事都唔見咗，但係經過RubberBand編曲之後，可以講晒我心裏面嘅嘢出嚟，將正面嘅訊息傳出去！」接着獻唱熱爆廣告歌《尖尖尖》時，他更笑言是本年度未派上台的至尊歌曲，並興奮得將領呔拋落台。

事後安仔接受訪問時仍心情大靚，但當記者問到為何已攞飛的女友沒有現身捧場時，他即一臉無奈地反問記者：「你問咩？」及後才承認與女友已分手：「我依家一個人、單身！（幾時分手？）上個月嘅事！（原因？）我同你哋一樣，大家都係人，佢係好好女仔，唔知點講，總之一句講晒，我哋唔夾！（你提出分手？）唔需要講，總之依家係單身！」並強調情變與早前的傳翻撻舊愛的緋聞無關，又大讚Michelle是好女仔。

至於RubberBand亦大讚安仔表現好專業：「如果唔係聽到佢頭先咁講，我哋都唔知！唔覺得佢有唔開心，佢係個好好嘅學習榜樣！（佢話你哋編嘅曲幫佢講出心聲？）呢啲係互動嘅！BIG FOUR入面唯一未同過張衞健合作，希望有機會！」