李蘊與「E Cup Baby」劉欣宜昨日帶同蛋撻及唇印紙巾，到書展為寫真集「謝票」，適逢李蘊19歲生日，有「周秀娜頭號宅男Fans」之稱的鄭智殷把握機會，送上蛋糕及心意卡為她慶祝，還獻唱改了歌詞的生日歌，逗得李蘊開心不已！對於Fans如此細心，她直言「好冧」，但談到對方自稱已由Fans變成其朋友，李蘊笑說：「所有Fans都係朋友，因為我哋會喺網上傾偈。佢好特別，我同佢幾有緣，一齊喺同一間跳舞學校上堂，又有學寫歌詞。（咁有緣會唔會拍拖？）我唔會同Fans拍拖，希望以後多啲喺音樂上交流。」