亞洲星光大道冠軍羅力威做人好有自己一套，當唔少新人極力爭取大大小小嘅演出機會嗰陣，佢就偏偏唔想做「額外嘢」！話說早前亞視開劇搵羅力威做男主角，同張文慈做對手戲大搞姊弟戀，點知佢即時推咗！小小So知道之後就捉住佢傾咗幾句。
小小So：你唔想雙線發展？
羅力威：我淨係識唱歌，所以唔想做啲冇把握嘅嘢……其實我覺得做戲係門好高深嘅學問，唔係咁容易o架！
小小So：同公司講咗以後都唔會演戲？
羅力威：我最大嘅心願，只係香港知名嘅歌手唱我作嘅歌。
小小So：咁你幾時出碟？
羅力威：我諗年底前可以啩？其實最近有件開心事，有歌迷送咗個口琴畀我，我得閒就會練吓，仲試過攞上台表演。
出道時嘅羅力威畀人批評耍大牌，結果要亞視高層出面幫佢「心理輔導」，依家佢雖然未算係開籠雀，但至少同人傾偈都冇再築起道牆，咁至啱喺娛樂圈生活嘛！