滕麗名、張可頤及賈曉晨等昨日「水戰」宣傳新劇《女人最痛》，各人以泳衣打底，除陳自瑤及劉俐外，其他人均性感欠奉。玩得最投入的要數滕麗名及馬德鐘，阿滕被對方推反浮床後，即四圍辣火頭：「唔爭在啦！拍套劇時要黐假鼻、胸前要吊水袋，搞到條頸瘀晒，監製試吓行近啲吖！乜嘢仇我都要報呀！」提到宣傳片中的造型非常搶鏡，她笑說：「拍得咁辛苦，梗係要攞番啲嘢！」

放大圖片	JJ自爆月事來潮，故不用落水。

張可頤等睇「裸跑」

張可頤由於活動後有訪問，故豁免下水，但仍被水槍射濕身：「我算好，收視未夠四十點就着三點式。（歐陽震華之前話劇集收視好就裸跑？）如果佢裸跑通知聲，我攞定長鏡，要上港聞頭條啦！」同樣沒有落水的JJ坦言撞正月事，事後她說：「嗰塊嘢都濕晒，少少尷尬。」問到沈震軒是否追求她時，她說：「唔可以否認有好感，但未係時候拍拖。」而馬德鐘否認因與徐子珊爆緋聞，而令對方於新劇《洪武三十二》由主角變配角。