樂基兒與陳豪昨日出席glaceau vitaminwater活動，穿貼身衫晒長腿的她受訪時，反問記者：「我係咪曬得好古銅色呢？我最近玩滑水，如果滑水就冇可能大肚。玩咗半年，呢個夏天每星期都會玩。（黎明冇話危險咩？）唔會，我有問佢，佢話OK。」

陳豪否認刻意避開佘詩曼，更指二人從來沒開始過。

樂基兒着貼身衫晒長腿，並揚言冇可能大肚。

談到近期o靚模與書展的熱門話題，Gaile直言從來未去過書展，亦沒有留意她們的寫真集：「冇特別留意，我覺得冇乜問題，只要佢哋開心，咁大個人識得自己揸主意。」問到會否考慮出寫真集，她說：「冇興趣，唔係太Proud of自己，我連婚紗相都冇影，婚紗都冇着。（會唔會補擺喜酒？）擺咗啦！我每次約幾個朋友出嚟食飯，食咗幾年，依家仲食緊。」

陳豪質疑阿佘魅力

同場的陳豪表示近期忙於拍新劇《點解阿Sir係阿Sir》，笑言幸好與多位年輕演員沒有代溝，大家閒時還會猜枚消磨時間。早前與楊怡到台灣宣傳《宮心計》的他，問到是否怕再與佘詩曼傳緋聞，而不與對方同行？他解釋是公司安排，對於緋聞，他笑說：「我喺度諗，係咪人哋對我嘅定力冇信心？定係阿佘魅力太勁，我輸咗畀佢嘅魅力？（你飛咗佢？）我同佢都冇開始過，我哋係清白之身，同佢冇嘢，大家要相信我嘅定力。（廖碧兒信你咪得！）冇嘢o架！」