鍾舒漫（Sherman）昨日到書展為新書《樂活．道》造勢，師弟洪卓立（Ken）現身打氣，Sherman即場在新書簽名相贈。問到新書銷量？她說：「未知，首批有八千本，見微博有好多人留言話買咗，仲寫埋讀後感添！」而Ken坦言明年有意推出相集，熱愛攝影的他說：「影咗好多藝人嘅大頭相、瞓覺同反眼樣，集齊晒可以出本相集。」其後Sherman於晚上與吳浩康（Deep）出席活動，她透露有意與好友江若琳到韓國學舞，而Deep表示將組Band出碟：「依家寫緊歌，新碟下年半會出。」
另外，莊思敏昨日為撰寫的越南旅遊書舉行簽名會，只有三數名Fans前來簽名，不過她表示已預料書迷反應不熱烈，畢竟她推出的不是性感寫真集，問到可有失望？她說：「一開始寫呢本旅遊書已經諗到呢個問題，我覺得最重係銷量，冇人嚟唔代表銷量唔好。（Fans去晒追模？）可以咁講，場內年輕人居多，我啲Fans冇咁細個，佢哋好多都要返工。」問到男友吳浩康可有落訂撐場？她笑說：「冇呀！我唔會逼身邊人買書。（叫佢買一百本支持你？）折現仲好啦！」
