24/07/2010

播放本新聞相關短片

劉欣宜知己知彼買女神寫真

昨日「E Cup Baby」劉欣宜與李蘊以「黑白嬌娃」姿態到書展,現場有十多名粉絲吹哨子及搖旗吶喊。問到不少o靚模出招谷寫真,她們有何招數?E Cup Baby說:「已經簽咗兩百幾本今(昨)日賣,但唔會喺書展親筆簽名,要守規矩因為驚畀人趕。」

對於陳靜(DaDa)病倒入院被指是宣傳伎倆,兩人即力撐對方:「佢真係病咗!我有打畀佢,唔係博宣傳。」當兩人離開時,「周秀娜狂迷」鄭先生再蒲頭,他聲言是支持李蘊,亦否認不專一:「Chrissie(周秀娜)在心中,我作咗首歌賀李蘊生日,佢有愛心又多才多藝。」

離開書展後,她們「易服」到茶餐廳醫肚,巧遇本報記者時表示會再入場掃其他o靚模寫真,最後購入Baby、Chrissie及Jessica C.的寫真。

此外,E Cup Baby與組合4anda成員曾俊峰(Jason)的戀情曝光,雖然她強調大家是好友關係,但日前卻與Jason行街,還穿上鮮色情侶裝逛傢俬店,更甜蜜拖手非常親密!兩人還睇雙人床及玩攬枕,未知是否打算同居?

Click選心水港姐,請瀏覽on.cc東方互動《香港小姐2010》專輯