昨日「浸大E神」楊梓瑤（Carol）以一身熱褲打扮出席西九龍中心舉辦的《一番市集》及Gameone網絡遊戲比賽揭幕禮，與半裸男模玩遊戲及向女Fans送吻。她透露寫真集已賣出八千本，成績理想，有信心第一版的三萬本能賣出和加印，她坦言近日工作量增加，但出騷價只向上微調。

對於寫真被指「意淫」，Carol堅稱無意識不良︰「相中嘅白色液體係太陽油，咁熱搽太陽油好正常，食唧唧冰只係童年回憶！」對於被A. Lin指不理禁令踩入書展應記大過？她即反寸對方說︰「中學先有記大過，我讀副學士唔會有，我又冇犯規，大會又冇話唔畀我入書展。」

出席答辯會驚捱鬧

此外，Carol坦言為今日出席的電台答辯會而緊張，自覺身份尷尬︰「人哋係學者，我會聽清楚啲問題，公司有人陪我去。」她表示站在o靚模立場，不會質問或講晦氣說話，但她直言擔心跟周秀娜一樣被指回答空泛︰「我始終未讀完書，但會真誠去答，唔可以控制人講乜，畀人鬧我都冇辦法。」

除了Carol寫真中的白色液體極具話題外，其凌空食波板糖亦令人摸不着頭腦！而其他模的寫真集亦充滿娛樂性，騎呢到極！