容祖兒昨日聯同蔡卓妍（阿Sa）、林峯及王祖藍到馬場出席《翡翠明珠羣星耀馬場》活動，適逢沙田馬場的煞科日賽，眾人擔任壓軸嘉賓演出，林峯與阿Sa騎馬出場，雖然馬匹有點失控，不停轉圈令兩人十分狼狽，幸他們均有經驗，控制得宜，林峯自爆曾被馬拋落地，以致背脊「開花」。

祖兒與祖藍乘坐高爾夫球車出場，別具特色。

林峯和蔡卓妍雙雙騎馬出場。

冇身材怕被踩扁

而祖兒透露為拍攝新片《翡翠明珠》而學騎馬，但技術仍未到家：「真係控制唔到，隻馬轉頭走！知道今日唔使騎真係鬆一口氣，雖然我冇身材，但都驚畀佢踩扁！」祖兒透露與馬匹甚有淵源，不少朋友賭馬也找她沾旺氣，惟祖兒自言沒有賭運，更未考慮學城城做馬主：「我做貓主就有份，不過呢排就考慮緊做狗主！」其後祖兒突然自爆最近半裸消暑：「呢排天氣好熱，我擔心自己會着火自焚，不過我好勁，咁熱瞓覺都冇開冷氣，冇開窗，不過瞓醒就扯高晒啲衫！」

另外，同場的苟芸慧透露昨日27歲生日，她希望家人開心，但暫時不恨拍拖。而洪卓立則穿厚重戲服示人，曾因工作中暑的他已學懂照顧自己。