霆鋒與栢芝一直恩愛，雖然近日栢芝被內地廣告商索償逾四千萬元人民幣，但有老公相伴依然非常甜蜜！昨午二時半，霆鋒夫婦手拖手金鐘出巡，穿上背心的霆鋒盡騷強壯臂彎，栢芝則身穿斜膊上衣，稍微露出鎖骨，盡顯近日的收身成果！

兩人在玩具店內左揀右揀，不時交換意見，逗留近十分鐘後付款離開。霆鋒與栢芝繼續十指緊扣，記者上前拍照仍大方任影，不時點頭微笑，栢芝更輕挽老公手臂，羨煞旁人！不少途人認出兩人及讚栢芝「靚女」。當走到(車立)口時，栢芝體貼地上前按升降機，離開時霆鋒友善地說：「唔該晒！」

拍拖揀LV

記者致電栢芝經理人周小姐，她透露鋒芝為謝家大少Lucas買禮物：「霆鋒啱啱喺橫店拍完《財神客棧》返嚟，Lucas有個同學仔生日，所以佢兩公婆幫手買禮物，栢芝仲陪老公去LV睇西裝鞋。（買咗咩禮物？）玩具車。」問到栢芝的官司，周小姐表示已交由律師處理，不便透露詳情。

四哥逛時裝店，但未見女伴在旁。

拉姑與老公行超市，恩愛之情不讓兒媳專美。

另外，栢芝奶奶狄波拉與丈夫鬍鬚Kong日前拍拖行超市，並肉緊地說：「啲人成日話我鬧人，唔畀新抱同個孫呢樣嗰樣，你哋平日影我覺唔覺我惡，成日鬧人呀？」而四哥謝賢早前獨自逛時裝店，坐在梳化上等售貨員招呼，認真識歎！