第二輪寫真戰已經爆發，雖然今年書展禁止o靚模宣傳，但新八模一於冇有怕，繼續馬不停蹄宣傳，還以三點式上陣接受《娛樂On Show》訪問。期間，年紀最小的江怡（Betrys）激動回應「一夜情事件」，向鏡頭瞪大眼說：「我係話見到吳彥祖對眼會變成心形，但一定接受唔到一夜情！就算對方靚仔過吳彥祖，我亦唔會咁放肆。」

新八模受訪時互爆私隱，成員間還不時互寸。

新八模性感打扮上陣，接受主持陳振安訪問兼齊齊玩水！

「我覺得我高啲」

至於憑「翻版Stephy」封號火速上位的黃雪瑩（Suki），經常傳出與潮媽Mia不和，她受訪時沒有直接否認：「同佢未到係好姊妹，可能大家一齊做嘢只不過係個幾月，仲未係好熟。」當主持人指她們平分秋色時，Suki即激動地反駁：「我覺得我高啲！」擺明踩Mia。對於經常被指似Stephy，Suki認為可能只是某些角度相似，又自嘲是「龍女」愛四處拍攝。雖然樣子甜美，但她在訪問中竟毫不介意將大腿放上梳化，展示白滑美腿，難怪節目主持取笑她比Stephy較男仔頭。

新八模除了有「翻版Stephy」外，亦有「翻版范冰冰」Jeana。她表示家人睇電視時覺得她較似陳法拉，她笑言曾恨似法拉般做少奶，但現時的工作令她較有滿足感。