出道十年的Swing，02年曾拆夥，近年兩人再走在一起，不過他們決定明年底推出新專輯後，第二度「分手」，Eric表示「散Band」並非有拗撬，只是Jerald不愛做「星」，寧願從璀璨歸於平淡，返回出生地加拿大做一個普通人，Jerald說：「我唔願再做歌手。」問Jerald在加拿大有何發展？Eric即揶揄好友說：「佢返去做『通渠』呀！呢個係佢一直以來嘅夢想。」此話一出全場爆笑！但Jerald不怒反笑說：「其實我係想喺Golf場度做清潔嘅嘢，將場內管道清潔乾淨。」聽到Jerald的「宏願」時，Eric作出提議：「咁你可以攞埋座鋼琴，坐喺Golf場度，一邊彈琴，一邊通渠。」再一次明寸Jerald，令他哭笑不得，不停頭擰擰謂不介意別人的想法。

拒葉佩雯過問事業

提到02年曾解散，Jerald解釋：「我唔鍾意做幕前，曾經同Eric傾過，大家得唔到共識點再合作，所以最終咪解散囉！」至於仍會留在圈中發展音樂事業的Eric，被問到可有和女友葉佩雯談及Swing又解散一事，好Man的Eric即說：「呢啲係男人嘅事。」指女友不應干涉男人的事業。