02/07/2010

播放本新聞相關短片

宅女泳兒拒做世界女

唱慘情歌起家的泳兒,被封為「悲歌小天后」,她說:「可能我把聲天生慘慘哋,人哋會有呢種感覺。」談到對小天后稱號,她說:「唔會太在意,都係一個名,我會唱多啲好歌。」出道至今,泳兒是非和緋聞不算多,不過早前有指她與鍾舒漫(Sherman)鬧不和,她說:「平時冇乜負面新聞,突然爆出一單嘢,搞到唔開心,仲有少少氣餒,不過我同Sherman都係好朋友。」

泳兒自嘲是「宅女」一名,她說:「我不擅辭令,個人又慢熱,啲人以為我好寸,我曾經諗過係咪適合喺娛樂圈發展。(衝破宅女?)我從來默默耕耘,我知自己問題所在,會調整好心態,但又唔想做世界女。」談及感情生活,她笑言一池死水,雖然有男性曾約會她,但她並沒有應約:「我有桃花,但未遇到自己鍾意嗰位,我憑第一眼感覺去決定,係咪可以發展,唔想畀錯誤訊息其他人。」