面對近月激烈的o靚模寫真戰，諸葛梓岐（Marie）未有打算出寫真力撼，她說：「寫真唔會喇！我嘅寫真想有自己嘅風格，想有啲特別，講吓我嘅秘密，可以講吓去邊度玩，同埋要好自由，唔使特登着比堅尼，介紹邊度最靚，同有乜地方有好嘢食。」
Marie專心眼前工作，近月忙着港日兩邊飛，期待以歌手身份在日本發展：「對自己唱歌都有信心，最鍾意兒歌，令個人好開心，想出碟o架！但要睇公司安排，如果有品牌想合作都會行騷。」積極工作的她不介意少與男友薛嘉麟拍拖：「係少見，一星期一次，但去咗外地，就未必見到。（保持關係方法？）大家都好忙，呢啲順其自然啦！後生都係做嘢緊要，不過大家都會互相支持。」
