02/07/2010

播放本新聞相關短片

麥家琪再添丁唔請陪月

目前過着相夫教子少奶奶生活的麥家琪，去年底宣布有喜，產期將至的她日前接受電話訪問笑談近況：「好開心呀！今胎又係仔，我鍾意生仔！（有冇傾定產後纖體公司收身？）今胎應該會收得快過上一胎，因為我會自己湊BB，亦冇上一胎肥得咁多。」快將三歲的大仔Johan，被麥家琪照顧得肥肥白白，故她決定今次不請陪月，希望一手一腳湊大BB，認真犀利！