前有線《怪談》節目主持林熹瞳（Rachel，前名陳曉華），將在書展中推出寫真散文集，她坦言有別於一眾o靚模，除了硬銷靚樣外，亦有文字及插圖，實行以Art味取勝！
將在書展推出寫真散文集的Rachel澄清並非o靚模：「我三年前已經以藝人嘅身份出道，如果有人話我係o靚模，即係話我睇落仲係咁後生啦！哈哈！」為了證明其寫真有別於其他o靚模，她將在書中發揮寫作天分：「我不嬲都好鍾意寫嘢，之前都出過本外景手記，出版商仲話我嗰本書係佢哋公司銷量最好嘅一本，提議我快啲再出新書！」
返港狂掃泳衣
Rachel亦邀得家姐替新作畫插圖，Art（藝術）味十足，難怪她對寫真銷量充滿信心：「我有信心當好多人睇咗好多性感嘅嘢之後，就會想睇番啲另類嘅書！希望到時會因為有口碑而大賣！」專程到沙巴為寫真集取景的她透露，雖然書中只有約三輯泳衣相，但回港後反而狂掃泳衣：「返到香港成日做宣傳都要着泳衣影相，我屋企依家最少有十幾套泳衣！」