去年憑「警鐘胸」極速上位的模特兒Jessica C.，工作接踵而來，以騷價5萬元計，每月平均15個活動或照片拍攝，半年來收入已高達525萬元，加上廣告酬勞及片酬，更高達850萬元，難怪她最近計劃豪擲7位數字在美國置業！
向來孝順的她，一直希望買大屋給家人居住，她說：「我由細到大都希望令屋企人生活過得好啲，自從做Model開始，我就定下目標，要儲錢買樓畀佢哋住。」她表示現時美國樓市低迷，只需約400萬港元，已可購買一幢有6間房的獨立屋：「我之前睇過屋，但有太多選擇，所以未揀到，加上媽咪話秋季後樓市會更加低，叫我等到嗰時先買。」她坦言下個目標是在香港置業：「香港啲樓真係好貴，我諗我要超級努力工作，做到不眠不休先夠錢喇！」