容祖兒、林峯、蔡卓妍（阿Sa）、馬賽、陳美詩及王祖藍等昨晚錄影《翡翠明珠星Fight夜》，眾人以片中造型亮相，祖兒更Set了兩個多小時頭，她坦言拍該片時希望可以假髮代替：「呢個髮型要Set兩個幾鐘！試過喺凌晨4點開始Set頭，好辛苦！」她自爆本來只屬客串性質，但怎知戲份愈拍愈多，問到是否仍收「客串價」？她謙虛地說：「我喺電影巿場冇乜價o架咋！有人拍就執到，頭先見到杜汶澤，佢都問我想唔想拍戲，我梗係想啦！」她自覺演技有進步，早前拍MV喊戲時更喊到收不到聲，問到是否想起舊情？她說：「唔係，嗰啲已經化為灰燼，咸豐年嘅事啦！」

祖藍與女演員鬥扮嘢，相當熱鬧。

馬賽容光煥發，莫非蜜運中？

提到即將開騷，林峯透露有意再加開一場：「28號加嗰場都就爆，樂小姐（樂易玲）同吳雨都話想加開多場，不過紅館個期有啲問題，唔知塞去邊好！我都想加，因為仲爭人好多飛！」他揚言會於演唱會中玩火，起初導演要求他用石油氣的真火，嚇得他耍手擰頭，他說：「唔好啩！係嘅話可能要做一場，瞓幾日醫院！（買保險？）公司有幫我買，我都買重7位數字！」他表示早前拉傷左手，現時仍然「扯住扯住」！

林峯向小妹妹送吻，誰知對方怕醜！	放大圖片	祖藍獻吻，氹得婆婆眉開眼笑。
杜汶澤被抬起，嚇得嘩嘩聲！

谷林峯再爭男歌星獎

另外，據悉無綫今年會再進一步力谷親生仔林峯爭奪最受歡迎男歌星，林峯與黃宗澤所主演的新劇《摘星之旅》會緊隨其個人演唱會後在下月初播出，而他與楊千嬅主演的另一部電影也會在年底前上畫，以令其人氣高企！

蔡卓妍與陳美詩的古裝造型，各具美態。

放大圖片

錄影期間，演員與觀眾重演戲中場面，祖藍向一位老婆婆獻吻，林峯則選了一位小妹妹，不過他想送吻時，對方竟怕醜後退，令他慘食檸檬！