歌手羽翹（Ava）與官恩娜（Ella）昨日現身禁毒活動，Ava即場分享剛入行時曾遇上一件與濫藥有關的事：「試過一次驚嚇洗頭經歷，洗洗吓個女仔滴咗啲鼻血喺我額頭，原來佢因為濫藥搞到聲沙，唔知用個鼻索啲乜，當時都幾驚！咁樣對身體唔好同影響工作，所以都幾鄙視濫藥嘅人！」
羽翹還透露家規森嚴，未曾被誘濫藥，但曾聽聞有圈中人濫藥：「我身體已經唔好，如果仲濫藥同吸煙，應該會好短命。（入行媽咪擔心？）擔心o架！細個會拆我啲信睇，拍拖要收收埋埋，到大個先同媽咪一齊揀，有次前男友喺網上放咗好多其他女仔相，佢仲嬲過我！」
Ella則坦言曾有一位長期濫藥的朋友，花了九個月時間仍不能幫助對方戒毒，最後惟有選擇疏遠對方：「佢冇晒生活，嗰陣有陪佢傾偈，佢又唔肯睇醫生，但都令佢食少咗煙嘅。」