有線以本傷人出2.4億奪得今屆世界盃播映權，轉播條件苛刻，連無綫及亞視的新聞亦不能轉播賽事的片段，令全城怨聲載道，雖然無綫斥巨資搞模擬入球片段慰藉球迷，但反被球迷狂插無聊。不過，有線雖然能獨家播映賽事，但前晚的英德大戰，卻出現線路問題，令部分球迷不能收睇精彩的賽事，連雷頌德及張繼聰都鬧爆有線。身為香港電視業龍頭大哥的無綫，自02年後已連續3屆失落播映權，可謂顏面無存，據知無綫為力保一哥地位，經內部高層商議後，決定擲2.5億天價誓爭播映權，事關今年政府會再發兩個免費電視台牌照，屆時有可能出現「戰國七雄」（無綫、亞視、有線、now等七個電視台）爭奪世盃播映權，無綫惟有盡地一煲。

何麗全：應該要出手

本報致電向無綫高層何麗全求證，他說：「下屆世界盃播映權喺今年11月截止投標，公司仲研究緊，因為之前冇咗3屆播映權，香港市民冇得喺免費台睇，反應好大，加上公司吸取咗今年嘅教訓，覺得應該要出手！（擲2.5億？）出幾多錢言之尚早，總之會出天價。」

對於無綫出天價，有線世界盃統籌經理曾展章說：「世界盃已經接近尾聲，無綫咁做係攞民心。（無綫出2.5億？）祝佢好運，如果無綫再投，有線全力以赴。」

3D模擬入球劣評如潮

無綫早前爭奪世界盃播映權失利，加上未能接受有線開出轉播世界盃精華片段的條件，故無綫豪擲逾百萬從法國特技製作公司購入動畫式「入球片段」技術版權，希望為觀眾止渴，可惜節目《世界盃動起來》劣評如潮，觀眾狂轟齋Talk冇波睇。