黎明昨日出席慈善機構周年董事會，心情勁靚，事關Amusic今年主打神秘新人JW，早前在其官方網頁公布7月24日在九展舉行《JW掛念好友音樂會》消息才三日，換購門票已超額。問到會否做JW音樂會司儀？黎明賣關子：「呢個真係幾趣致！今次係Amusic同網絡商合作幫佢搞音樂會，預咗十日銷飛期，點知頭段廣告出咗後，啲飛三日就去晒，仲有尾段廣告都未出，所以網絡商決定加場。」

提到JW出道即加場很犀利，黎明說：「兩場加埋最多都係三千人，有咁嘅反應都估唔到，所以JW要盡快返嚟錄音，Rundown就我諗，我預咗佢同Janice會作比較，邊個唱得好啲！」問到很多人覺得二人聲線很相似？他反問：「你哋覺得貢米同栢芝似唔似？做Artist係需要時間畀人認識。」他還拋出金句：「你會唔會因為另一個女人把聲好似你老婆而傾多啲偈?」他表示聽歌的人聽歌，習慣做審死官的做審死官，網上愛批評的人繼續批評。

嫌離婚報道唔Update

對於早前有報道指與樂基兒因不育問題鬧離婚，黎明說：「自己喺娛樂圈做咁耐，觀眾未必想知我幾時有BB，電影圈咁沉悶，雜誌都係咁悶，佢哋應該搵啲新嘢Update吓！」提到再傳女星有「床價」？他表示自己只做音樂和拍戲，不是做炒新聞的藝人。