書展未舉行已爆出連串是非，除了一眾o靚模「波來波往」鬥餐飽外，她們還被禁止在書展舉行簽名會而惹起爭議，連去年書展大贏家Angelababy也慘遭同一命運。

昨日Baby出席尖沙咀b+ab舉行的《Paradise》寫真集宣傳活動，吸引半百模迷撐場，其額頭喪爆的壓力瘡卻大煞風景，她解釋：「太攰，忙寫真集好辛苦，啱啱喺日本返嚟，下個月宣傳寫真集嘅檔期得一日。」對於未能在書展搞簽名會，她說：「初時覺得喺會展搞，係同Fans互動，其實有好多商場搵我，咁啱海港城夾到，所以會喺下個月24號舉行。」

自讚寫真集冇不雅

對於今次「禁簽令」將她與其他「胸模」混為一談，Baby即伸冤：「覺得無奈，評審都冇睇過我本寫真集。我諗住會簽埋名送本畀佢哋，等佢哋知我本書唔係低俗！（擔心銷量？）唔驚，我有簽名會，而且今次係告別作。」她透露原定於寫真集中撰寫情深字句：「但加唔切，惟有將文字放上網，Fans睇完再買書。」她指寫真會於中、港、日、台發行，稍後會在日本的商場舉行相片展，但說罷又憤憤不平：「唔明點解本寫真會不雅？我嗰本係Sell感性。」

問Baby會否送寫真集給緋聞男友黃曉明，她甜笑說：「希望佢自己買。」她自爆稍後返內地工作，但聲稱不會探曉明班：「唔會。（咁都唔見？）唔知。（叫你影寫真唔好咁性感？）冇，唔好再講佢！」

不排除過檔跟曉明

有傳曉明自組公司力邀Baby過檔，並飛起Baby經理人Kim，Baby否認：「唔會，Kim對我好似媽咪咁，去到邊我都唔會同Kim分開。（如果曉明真係叫過檔？）到時先算，如果Kim OK，我都OK。」她表示若有好劇本，也不介意與曉明合作拍戲，至於有指曉明介紹陳凱歌及葛優給她認識，她不置可否：「識咗！（佢搭路拍戲？）我下半年冇呢啲嘢發生。」