23/06/2010

播放本新聞相關短片

阿嬌擺騎呢甫士狂NG

本文重點
鍾欣桐(阿嬌)於英皇電影《出水芙蓉》中有突破演出,劇情講述她跟好姊妹黃聖依、茜利妹及朱薰在沙灘上行Catwalk,並要擺出騎呢甫士,因互相取笑娘爆造型,導致不斷NG,阿嬌笑言從未如此騎呢過︰「現場氣氛太好,大家都好似畀人點咗笑穴咁,所以不斷NG,真係唔好意思!可能因為拍喜劇,大家都被感染,連劉鎮偉導演都一樣,所以冇怪我哋!」

險被小蟹攻擊

阿嬌負責搞笑,辛苦的戲份則留給男主角方力申,繼早前被淋白油導致皮膚敏感後,他還有一場被大網困着、再拖行20米的戲份!工作人員為免他太辛苦,拖行時不敢太用力,可惜效果未如理想!最後小方表示頂得住,叫大家盡情拉!雖然拍得辛苦,但仍夾雜不少笑料,小方說:「每次被拉上沙灘時,網裏面都捕得唔同嘅海鮮,第一、二次都有魚跟住我,我勁驚下次有蟹囉!點知有次真係撈到小蟹,好彩佢對鉗唔算大,否則就生不如死!」