23/06/2010

播放本新聞相關短片

林莉Feel到乜都做

本文重點
書展未到,數以十計的o靚模已事先張揚要推出至激寫真搶客,林莉昨日表示會於首次推出的寫真集中大玩性感火爆造型:「以前唔敢試嘅都會試!」

林莉、徐萌及Goby昨日以不同造型出席大埔超級城舉行的《新界東北區首個生活化旗艦商場》活動,林莉透露剛從上海拍攝噴血寫真集返港,揚言首次推出寫真集會大玩火爆性感,但不會倣效周秀娜擦牙,亦會完全擺脫林志玲的影子:「寫真集裏面有好多大膽嘅動作同甫士,自己以前諗都唔敢諗,除咗有唔同嘅假髮外,仲會有啤酒樽!」

提到o靚模以青春活力及水着登場,問林莉會否衝破性感底線突圍?她笑着大賣關子:「你哋到時買書就會有意外驚喜!」她指今次拍攝完全是隨心而發:「同攝影師喺上海影相嗰陣,主要都係攞個感覺,所有都係用自己方式諗到就做,會有好多唔同造型,性感、火爆、有型乜都有。」對於銷量,她並不緊張,而首批暫定推出五千本。談到候選港姐師妹,她看好(11)李文煊,有指候選佳麗生活不檢點,林莉說:「每年都有呢類炒作!」

徐萌畀和服考起

此外,以和服Look亮相的徐萌表示,雖然有專人協助,但穿上這套和服已花了一小時。問到對今屆港姐有何心水?她直言睇好(3)張藝婷,至於有否後悔選中華小姐而放棄選港姐,她笑說:「我係重慶人唔係香港人,所以都唔符合資格參選。」

影視組